New Year's Prayer

DIE ONSIGBARE MAN...

DIE ONSIGBARE MAN...

"Hy was totaal verslae en geskok."

'n Hele paar jaar gelede, het my man sy besigheid op die been gebring en natuurlik baie lang ure gewerk. Dinge het goed gegaan en die besigheid het mooi gegroei. So het die geld ook meer geword en ons kon ons leefwyse verbeter. Mooi huis, goeie nuwe motor's ensovoorts. Die lewe was 'n lied!

Toe skok ek hom, met die woorde dat ek 'n egskeiding wou hê.... Hy was totaal verslae en geskok. Hy kon glad nie verstaan wat aangaan nie. Dinge gaan dan so goed.

Die feit van die saak is, ek was eensaam! Ek het met hom getrou omdat ek by hom wou wees. Hy was egter nooit tuis nie en dit het vir my gevoel asof ek net die huishoudster was. Ek moes die verantwoordelikhede tuis dra terwyl hy nie by my wou wees nie en my dan seker nie lief het nie. Hy kies dan om altyd te werk. So hoekom sal ek my dan afsloof vir 'n man wat my nie lief het nie en nie eers by my wil wees nie?

Hierdie saak het regtig baie konflik in ons huwelik veroorsaak en ons is amper geskei. My man kon nie my punt insien nie en het my beskou as ondankbaar. Ek het weer nie geweet hoe hy by daardie slotsom uitgekom het nie.

Vandag besef ek egter dat hy juis so hard werk omdat hy my lief het en goed vir my wil sorg. Hy wil aan my sekuriteit verskaf, want dit is mos wat 'n vrou wil hê. Dit is reg en goed so. Die probleem is dat die woord sekuriteit vir my 'n heel ander betekenis het as vir hom. Hy dink in terme van voorsiening en materiele dinge. Maar wat presies beteken sekuriteit vir my as vrou?

Sekuriteit is om te voel dat ek en my man na aanmekaar is. Dat ons aan mekaar behoort en mekaar lief het. Dit beteken ook om beste vriende te wees. Hoe kan 'n mens beste vriende wees met iemand wat nooit teenwoordig is nie?

Sekuriteit beteken dat hy toegewyd is aan my en altyd daar is vir my, maak nie saak wat gebeur nie. Dit is ook om 'n aktiewe deel van die huishouding te vorm in die alledaagse huislike lewe.

Laastens beteken sekuriteit dat hy poog om finansieel te voorsien.

Jy kon my man met 'n veer om tik toe ek vir hom sê, dat ek onder 'n boom saam met hom sal bly, net solank hy by my is. Dit beteken dat as ek weet my man is daar vir my, kan ek enige finansiële struikel blok trotseer. Ek sal liewer die finansiële uitdagings trotseer as om my man te verloor.

Ek wil in elkgeval 'n gelukkige man hê. Hy moet sy werk geniet en gelukkig wees daar. Maar hy moet ook genoeg tyd hê om te rus en die lewe saam met sy familie te geniet. Op die ou end is dit kwaliteit familie tyd wat saak maak. Dit is dié herhinneringe wat jy met jou saamneem en koester. Nie die herhinnering aan hoe groot jou salaris tjek was nie.

Liefde gaan oor verhouding en nie oor geld nie. 'n Vrou se behoefte aan sekuriteit is haar man. Selfs die Bybel praat daarvan dat 'n vrou se begeerte na haar man sal wees. Die hoof behoefte is nie dat haar man sekuriteit moet VOORSIEN nie, maar dat hy haar sekuriteit moet WEES!

So meneer, gaan wees jou vrou se beste vriend en spandeer tyd saam met haar. Dit is wat sy eintlik wil hê.

HAATLIKE HELGA OF LIEFLIKE LOLITA?

HAATLIKE HELGA OF LIEFLIKE LOLITA?

"Daardie gedrag wat jou so irriteer en verwar, kan..."

Die een oomblik lag jy saam met lieflike Lolita en julle is albei dol gelukkig. Dan gebeur die onlogiese, verwarrende... Lieflike Lolita het in haatlike Helga verander en julle het een vreeslike geveg. Jy het geen idee hoe dit nou skielik gebeur het nie. Sommer so uit die bloute. Maar as sy so vol nukke wil wees, moet sy liewer vanaand vroeg gaan slaap en more voel sy beter. Of altans, dit is wat jy dink... eintlik hoop. So wat maak jy? Jy onttrek en skryf dit daaraan toe dat vrouens in elkgeval onverstaanbaar is en basta met die res!

Meneer, dit is 'n resep vir regte probleme as jy so gaan optree. Het jy geweet dat jy die vermoeë het om haar "onverstaanbaarheid" te ontsyfer? Ja, dit is inderdaad waar. Daar is gewoonlik 'n logiese rede waarom sy Helga streke uithaal. Die gedrag wat jou so irriteer en verwar kan 'n aanduiding wees dat sy 'n behoefte het wat sy graag wil hê jy moet vervul.

Die eerste sleutel vir die ontsyfering van die geheim is dat jy dalk iets verkeerd gedoen het. Selfs al besef jy dit nie eers nie. Dit is nie noodwendig die geval nie, maar dit kan dalk net moontlik wees. Vra vir haar of jy dalk iets gesê of gedoen het om haar te ontstel?  As sy sê dat sy 'ok' is, maar die atmosfeer bly gespanne, moet jy vir haar sê dat dit voel asof jy iets verkeerd gedoen het en graag wil weet wat dit is. Bly kalm en benader haar sagkuns. (Sou ek en my man in hierdie situasie wees en hy is kort-af en geïrriteerd met my, klap ek toe soos 'n boek en hy kan daarvan vergeet om enige positiewe reaksie van my kant af te kry). Indien sy steeds nie wil oopmaak teenoor jou nie, sê maar net vir haar dat indien jy wel iets gedoen het om haar te ontstel, jy jammer is en dat dit geensins jou intensie was om haar om te krap nie. Dit kan moontlik die deur oopsluit sodat sy haar emosies met jou deel. Dan moet jy haar punt probeer insien sodat julle die situasie sommer dadelik op 'n volwasse kalm manier kan uitsorteer.

Die tweede sleutel vir haar onverstaanbare gedrag kan dalk iets te doen hê met haar onsekerheid of julle verhouding nog 'ok' is. Wanneer laas het jy vir haar gesê dat jy haar lief het of uit die bloute vir haar 'n drukkie gegee of sommer net haar hand vasgehou? 

Sleutel nommer drie is dat haar gedrag dalk glad nie oor jou gaan nie, maar oor haar omstandighede. Net soos jy as man 'n slegte dag by die werk kan hê, gebeur dit maar met vrouens ook. Wanneer my man 'n slegte dag gehad het en 'n bietjie spasie benodig om te ontlont, sal dit die verkeerdste ding van my wees om dit persoonlik op te neem. Dit is soos om petrol op die vuur te gooi. Jy soek dan mos nou vir 'n geveg. In daardie opsig is vrouens presies dieselfde. Meneer, moet dit nie sommer net persoonlik opneem as jou vrou in 'n slegte bui is wanneer jy tuis kom nie. Vind uit wat die rede is, laat haar stoom afblaas en sê dan iets soos wat my man gewoonlik vir my sê; "Dit maak my nie minder lief vir jou nie". Dit laat my sommer dadelik bedaar. 

Dan is daar ook natuurlik sleutel nommer vier... Hormone! Dit is 'n realiteit. Gert vra my altyd of die goed nie eintlik 'demone' genoem moes word nie. Dit is ongelukkig waar dat daar 'n paar dae in die maand is wat 'n vrou baie vinniger gespanne en geïrriteerd raak as gewoonlik. In sulke dae is ek sommer geïrriteerd omdat ek so geïrriteerd is. Hulle noem dit PMS! Die variasie van intensiteit verskil van vrou tot vrou. Kyk net gou wat die simptome daarvan is en dan kan jy dalk verstaan waarom sy so kort-af raak. 

*  Aknee

*  Geswelde en teer borste

*  Moegheid

*  Slaaploosheid

*  Omgekrapte maag en opgeblaasheid

*  Hoofpyn en rugpyn

* Apteit verandering - 'cravings'

* Gewrig en spier pyn

* Konsentrasie probleme

* Hou water terug (dis hoekom vroue dan 'vet' voel)

* Spanning, geïrriteerdheid, 'mood swings', huilerigheid.

* Angstigheid en depressie

Noudat jy as man weet waardeur jou vrou elke maand moet gaan, jaar in en jaar uit, behoort jy die Helga streke beter te verstaan. Bietjie meer deernis en geduld met haar kan jou ver bring. Indien jy vermoed dit is sulke tyd, koop sommer haar gunsteling lekkerny oppad huis toe. Dit mag jou dalk net weer as haar ridder bevestig. 

Vrouens het baie meer ondersteuning van hul mans af nodig as wat die manne gewoonlik besef. Hopenlik kan hierdie geheime van die vrou se hart julle help om in meer harmonie saam te leef. Hoe jy as man jou vrou hanteer sal bepaal hoe sy teenoor jou sal reageer.

HAAR GEDAGTES...

HAAR GEDAGTES...

Verbeel jou jy sit voor 'n rekenaar. "Windows" hardloop met 'n paar programme oop. Jou e-pos, Facebook, Google, Twitter, Word met so drie dokumente, Excel met so twee "spread sheets", Powerpoint en jou gunsteling cd speel in die cd speler. Klink  bietjie chaoties? Dan is daar nog daardie irriterende "pop-up" advertensies wat kort-kort opduik net wanneer jy dink jy is op die punt om een dokument of taak af te handel en toemaak.

Dit my vriend is 'n kykie na hoe 'n vrou se brein werk.  Sy dink aan dertig dinge gelyktydig, indien nie meer nie. En dan is daar nog die gedagtes van goed of emosies wat pla wat tydig, maar meestal ontydig, hul opwagting maak (die "pop-up's"). Elke liewe gedagte beinvloed haar emosies wat weer haar gedrag beinvloed. Geen wonder die arme manne voel hulle verstaan vrouens glad nie.

Kom ek gebruik myself as voorbeeld. Wanneer ek wakker word en nog na die kamerdeur toe strompel om die buite lig af te sit en die alarm te de aktiveer, wonder ek of daar ooit genoeg melk is vir koffie en ontbyt vanoggend. Ek dink aan my dogter se groot projek vandag en wonder of sy goed voorbereid is. Sal haar gou moet bel. Gelukkig het daar gisteraand nog genoeg vleis oorgebly vir vanaand se ete, so ek kan net slaai en brood rolletjies bysit. Spaar my tyd. Oppad kombuis toe sit ek ligte af en maak gordyne oop, sit die radio en ketel aan terwyl ek dink aan alles waarmee die huishulp moet help vandag. Outomaties begin ek alles neerskryf wat ek by die winkel moet kry vandag. Dan wonder ek skielik of skoonma dalk vir my vies is omdat ek nog nie op haar boodskap gereageer het nie. Onthou my man van sy vroeë vergadering vanoggend? Sal vinnig sy kosblik moet pak sodat hy vroeër kan ry. Ensovoorts, ensovoorts, ensovoorts... Daar is nog baie ander dinge waaraan ek dink terwyl die ketel nog nie eers kook nie, maar ek sal bladsye vol skryf as ek alles moet noem.

So gaan dit met die meeste vroue op 'n daaglikse basis, die hele dag lank. Dan kan die manne nie verstaan hoekom sy nie net ophou om oor alles bekommerd te wees die hele tyd nie. Of hoekom sy nou alweer oor gister se onderonsie afgaan nie. Of hoekom sy alweer hoofpyn het en te moeg is vir seks...

Jou vrou se brein is so saamgestel dat sy 'n klomp dinge op een slag kan dink, doen en voel. Sy kan nie daarvoor help nie. Sy kan nie net 'n gedagte uitskuif en nie weer daaraan dink nie. Eers wanneer die gedagte geprosesseer of opgelos is, of op gereageer is kan sy dit uitskuif. Anders kom dit die hele tyd weer terug.

Jou vrou moet oor iets praat om dit te prosesseer. Dit is hoekom baie vrouens met hulself praat en ook hoekom mans dink vrouens praat vreeslik baie. Wanneer iets nie opgelos is nie, veral by emosionele sake wat julle verhouding betref, gaan sy weer en weer daaroor wil praat totdat dit opgelos is. So manne... help julself deur so gou as moontlik die emosionele goed met haar uit te sorteer, anders word dit dalk 'n plofbare situasie.

Moet asseblief net nie vir haar se sy moet net nie meer aan die probleem dink nie, of ignoreer dit. Sy kan dit nie doen nie. Dit help absoluut net mooi niks.

Ek weet dit klink erg genoeg vir enige man om te wil weghardloop. Maar dink net aan hoe wonderlik die Here jou vrou se brein geskape het om al die dinge te kan doen. Wees meer verdraagsaam teenoor haar en dankbaar vir hierdie wonderlike kwaliteit van haar. En wees veral dankbaar dat jy as man dit nie hoef te doen nie.

Die goeie nuus is dat jy haar kan help om van die gedagtes af te handel en toe te maak.
* Luister na haar.
* Moedig haar aan om tot aksie oor te gaan, veral oor goedjies waaroor sy bekommerd is.
* Jy kan haar gerusstel.

Dink net hoe baie respek jou vrou vir jou sal hê indien jy ag slaan op die bogenoemde dinge en dit doen. Sy sal voel dat jy haar lief het en dat haar belange vir jou belangrik is. Dit kan selfs tot jou eie voordeel lei sodat die hoofpyne en moegheid verminder of verdwyn, as jy weet wat ek bedoel... ;)

LIGTE AAN ASB!

LIGTE AAN ASB!

"As jy nie vir haar wys dat jy haar lief het nie voel jou vrou maklik dat sy nie waardeer word nie".

Meneer, jy weet hoe die behoefte voel om 'n goeie voorsiener vir jou familie te wees. Jy wil graag goed vir jou vrou en kinders kan sorg en dit is iets wat heeltyd in jou onderbewussyn is. So voel jou vrou se behoefte daaraan om te weet dat jy lief is vir haar. Dis iets wat heeltyd in haar onderbewussyn is.

As jy nie vir haar wys dat jy haar lief het nie voel jou vrou maklik dat sy nie waardeer word nie. Dan die begin die onverstaanbare gedrag. Die ou dingetjies wat jou so kan verwar en irriteer. Daardie skielike konflik uitbarstings, die stil stuipe of haar onverklaarbare skielike koudheid teenoor jou terwyl jy aan geen rede kan dink wat jy dalk verkeerd gedoen het nie. En wanneer sy emosioneel af is, gebeur dit nog makliker.

Jy verstaan hierdie gedrag natuurlik glad nie. Dit gaan dan eintlik baie goed in jul verhouding en dan kry sy skielik sulke nukke. Die manlike natuur is om so gou moontlik te onttrek en te hoop sy voel beter as hy haar weer sien.
FOUT!
Haar gedrag gaan dan net intensifiseer...

So wat doen 'n man dan nou?  Om die gedrag te ontlont het jy nodig om vir haar te wys dat jy haar lief het. Nee, ek praat nie van seks nie. Sy gaan jou in elkgeval nie naby haar toelaat nie. Jy het nodig om haar gedurig van jou liefde te verseker. Jy moet haar hart elke dag wen. Jy het nie jou finale oorwinning van haar hart gehad die dag toe julle getroud is nie. Dit is 'n aanhoudende proses.

Dink aan hoe dit was voor julle troue, toe jy geweet het jy moet werk om haar hart te wen. Julle het vir mekaar boodskappies gestuur om net gou "Hi" te sê. Jy het dalk dinge gedoen soos om met 'n blom voor haar deur op te daag, of net 'n post-it op die mikrogolf met 'n hartjie op. Dit is nie nodig dat dit geld of baie moeite moet wees nie. Dis die klein dingetjies wat saakmaak. Sy wil net weet jy dink aan haar...

Dan moet jy weet dat wanneer 'n vrou ontsteld is het sy 'n drukkie nodig. Maak nie saak hoe kwaai sy voorkom nie. Gaan staan voor haar, kyk haar in die oë en sê; "Alles gaan ok wees, liefie." (Bedoel dit). Dan gee jy haar 'n drukkie. Die meeste vrouens se weerstand verkrummel dadelik. Sy sal voel dat jy haar lief het en regtig omgee.

Nou kom die groot uitdaging meneer. Sy gaan tien teen een oor julle verhouding wil gesels. Dit is nie noodwendig net wanneer sy ontsteld is nie. Maar wanneer jy by daardie uitdaging kom, bly kalm en moenie probeer spore maak nie. As jy gaan wegdraai van hierdie gesprek af, kry sy ook die boodskap dat jy haar nie meer lief het nie. Jip, en dit beteken moeilikheid! Haal eerder diep asem en luister na wat sy op die hart het.
Die ander geheim in hierdie situasie is dat jy dit nie as 'n aanval moet beskou nie. Hierdie gesprekke gaan gewoonlik vir haar daaroor om net weer verseker te word van jou liefde. So sê dit vir haar.

Wanneer julle in konflik is met mekaar, sal 'n vrou maklik dink dit beteken die einde van die verhouding en jou liefde vir haar. Selfs as jy kwaad is vir haar en jou spasie nodig het, sê vir haar; "Ek is lief vir jou, maar ek het nou my spasie nodig". Jy sal dalk verbaas wees om te sien hoe maklik sy jou sal toelaat om jou spasie te kry en dit kan moontlik al die helfte van die konflik vuur blus.

Wanneer vroulief die een is wat die weghol ding doen, moet jy haar volg. Maak nie saak wat sy sê nie. Sy gaan nie vir jou sê sy wil eintlik hê jy moet haar volg nie, want sy wil hê jy moet self besluit dat jy haar lief genoeg het om te volg. Die boodskap wat sy kry is; "Wow, eintlik is hy nog lief vir my".

Ek weet vir 'n man klink dit belaglik, maar dit is dalk wat Paulus bedoel het toe hy aan die gemeente van Efese geskryf het dat die manne hulle vrouens moet lief hê soos Christus die kerk lief het. Al loop die mensdom weg van God af, is Hy altyd bereid om die verlore skape met liefde te volg.

Verhoudings hoef nie regtig so gekompliseerd te wees nie. As mense moeite doen om mekaar te verstaan is dit soveel makliker.

So meneer, pluk vir jou vrou 'n blom. Jy hoef niks te sê nie, die blom sal die praatwerk doen.


Bronne:Shaunti en Jeff Feldhanh se boek "For men only".
           Dedrè Delport - Persoonlike ervaring as vrou.  

VERSTAAN HAAR...?

VERSTAAN HAAR...?

My man sê altyd; " Die eerste ding wat ek die Here eendag gaan vra is; Here hoe werk my vrou se kop?" Ek kan dan maar net vir hom glimlag want dit is in werklikheid eintlik nou al moontlik dat mans vrouens beter kan verstaan.

Na 19 jaar se getroude lewe het ons darem al heelwat gevorder. Ek wil 'n paar dinge deel wat vir ons huwelik werk. My eie man was verstom oor hierdie waarhede en hopenlik sal dit ander mans ook help om die ligskakelaar in die donker kamer te ontdek. 

1.)  'n Vrou wil weet dat haar man haar lief het. Dit beteken dat  alhoewel julle verhouding dalk baie goed is,  dat jou vrou,  net soos elke ander vrou,  'n  fonda-mentele onsekerheid het oor jou  liefde vir haar. Wanneer daardie onsekerheid gesneller word  sal sy reageer op maniere wat vir jou as man verwarrend en ontstellend kan wees. Sê net weer vir haar dat jy haar lief het en haar onver-staanbare optrede sal verdwyn soos mis voor die son.

2.)  Vrouens is emosioneel. Ek weet jy dink: "Dit weet ons tog almal!" Ons as vrouens, deel met baie emosies en  gedagtes van die verlede en hede op dieselfde tyd. Dit is nie vir ons maklik om dit opsy te skuif nie. Ons is maar net so geskape.

3.)  My man is reg. Dit is vir mans moeilik om vrouens te verstaan, maar nie onmoontlik nie. Daar is gewoonlik 'n logiese rede waarom sy optree soos wat sy doen en sê wat sy sê. Gedrag wat jou as man verwar en frustreer is gewoonlik een of ander hulpkreet van haar kant af.

4.)  Jou vrou benodig baie emosionele sekuriteit van jou kant af. Haar behoefte aan emosionele  sekuriteit en intimiteit van jou af, is so sterk dat sy bereid is om finansiële sekuriteit daarvoor op te offer. 

5.)  Wanneer sy 'n emosionele uitbarsting beleef wil sy nie noodwendig hê jy as man moet die  probleem oplos nie. Sy wil net hê jy moet na haar luister. Die behoefte om gehoor te word is gewoonlik baie belangriker as die probleem self. 

6.)  Die meeste vrouens is nie seksueel so aktief soos hulle mans wil hê hulle moet wees nie. Ons het net nie so groot behoefte daaraan soos die mannne nie. Dit beteken egter glad nie dat sy jou as  man nie seksueel begeer of aantreklik vind nie.

7).  Oor die algemeen het vrouens 'n diepe innerlike behoefte om aantreklik te wees. Die klein dogtertjie binne in haar wil hoor dat sy mooi is. As jy as haar man daardie behoefte vir haar vervul, sal sy nog meer moeite doen om nog mooier vir jou te wees.

Oor die volgende paar weke gaan ek heelwat uitbrei op die bogenoemde punte en ook ander geheime van die vroulike hart openbaar. Ek sal bespreek hoe ek en my man dit prakties toepas in ons huwelik en hoe dit vir ons werk.

Elke man moet hierdie waarhede in diepte ontdek om werklik die ridder op die wit perd vir die vrou in sy lewe te wees. 

Huisgenoot - 12 November 2015

Na aanleiding van die Huisgenoot artikel is daar na my verwys as 'n prediker, teoloog en 'n berader by Shalom.

Ek het pas my Bybelskool kursus by Shalom Aanbiddingsentrum voltooi en beplan om aanstaande jaar my pastorale diploma by Hebron te verwerf.

Ek is maar net 'n doodgewone vrou wat na baie lewenservaring, kursusse en navorsing uit my hart gesels oor dinge waarmee ek en my gesin geworstel het. Daarmee hoop ek om ander mense wat dalk ook dieselfde probleme het te help om die lig te sien.

Mag my blog die doel bereik waarvoor dit geskep is. Dit is om verhouding rekonsiliasie te bewerkstellig. 

SY GEHEIME OOR ROMANSE

SY GEHEIME OOR ROMANSE...

"Dink hy om romanties te wees is tyd mors?"

Het jy geweet dat 98% van die manne, ongeag hul voorkoms, ouderdom of kultuur, 'n behoefte het aan romanse? Ja, dit is beslis die waarheid.

Jou idee van romanse mag dalk net verskil van syne, en dan mis julle mekaar op daardie vlak. Jy sien, vrouens kry die indruk dat romanse slegs bestaan uit blomme, sjokolade of 'n geskenkie, kerslig ete en miskien bietjie liefkosing en lepellê. Dit is nie verkeerd nie. Vrouens het 'n behoefte daaraan en mans ook soms. 

Vir party mans het romanse 'n heel ander betekenis. Hulle idee om romanties te wees, is om saam met hul vrouens te speel. Hulle wil avontuurlistige dinge saam met hul vrouens doen, soos perd ry, gholf speel, motorfiets ry, 'n ent gaan stap of net in die motor ry. Selfs om so bietjie te stoei is ook vir hom romanties. Hulle wil aktiwiteite saam met hul vrouens aanpak. Ons het dit nou al soveel keer gemis omdat ons dit nie besef het nie. En elke keer was hy teleurgesteld en hartseer.

Soms moet 'n vrou die pligte bietjie op sy skuif om saam met haar man te gaan speel. So wat daarvan as die skottelgoed nie nou gewas word nie? Gaan ry eers bietjie fiets saam met die liefde van jou lewe. Dis baie belangriker as die vuil skottelgoed. Die lewe is so kort. Ons moet leer om mekaar te geniet en te waardeer terwyl ons nog kan. Wie weet wat more mag gebeur?

Mans is ongelukkig ook nie geneig om romanse te inisieer nie. Die soort waarvan vrouens hou, die kerslig ete en alles wat daarmee saamgaan. Hulle voel net dood eenvoudig onbevoeg daarmee en wat ons nou al van die manne geleer het, is enige kans om sy ego op die spel te plaas heeltemal buite die kwessie. So dit is hoekom vrouens onder die indruk verkeer dat mans nie romanties is nie. Hulle wil eintlik baie graag romanties wees, maar is te bang om dit te waag.

Indien hy dit sou waag om op jou manier romanties te wees, en dit blyk om suksesvol te wees, moet jy ook maar weet hy soek betaling. Ja, natuurlik... SEKS! Maar nie net seks nie. Hy wil intiem liefde maak. Die hele romantiese ding was vir hom 'n geweldige uitdaging en baie harde werk. Hy wil jou goedkeuring ervaar en sy manlikheid bevestig en dit gebeur natuurlik deur middel van die liefdesdaad. So dames, indien jy gelukkig genoeg is dat die man in jou lewe iets romanties beplan, moet jy weet wat sy teiken aan die einde van die aand gaan wees. Indien dit nie gebeur nie, sal jy beslis nie gou weer iets romanties van sy kant af kan verwag nie. 

Party van ons is gelukkig dat ons soms blomme of sjokolade van manlief af kry. Waardeer sy moeite. Kompliment eer hom daarvoor, maak nie saak hoe gering sy gebaar is nie. Dit sal vir hom die selfvertroue gee om volgende keer bietjie meer te waag. 

Julle moet 'n middeweg vind om in mekaar se romantiese behoeftes te voldoen. Hy moet so nou en dan die blomme en sjokolade ding doen terwyl jy aan die ander kant weer 'n aktiwiteit saam met hom doen wat hy geniet. Verhoudings is baie werk en ons moet moeite doen om mekaar te verstaan en aan te vul. Dit is oor en oor die moeite werd. Die pad van maanskyn en rose is nie sonder dorings nie, maar dis absoluut asemrowend en versprei die lieflikste geur. 

Ek daag jou uit om jou man se voete onder hom uit te slaan hierdie week. Stel voor dat julle 'n aktiwiteit wat jy weet hy geniet saam doen en kyk wat is die gevolg...

HOE LYK JY VIR HOM?

HOE LYK JY VIR HOM?

Dit is 'n vraag wat verskillende emosies tuisbring by mans en vrouens. 

As jy weet jy lyk fisies goed dan voel jy goed. Maar as jy nie tevrede is met jouself nie, wil jy soos 'n volstruis maak en jou kop in 'n gat druk en hoop niemand sien jou raak nie. Dan aan die ander kant, hoeveel van ons is tevrede met onsself? Elke vrou het maar ietsie waaroor sy ontevrede is. 

Almal van ons het nog vol programme elke dag en is geneig om onsself af te skeep. Dan kyk ons eendag in die spieël en sien skielik 'n heel ander vrou as die stralende bruid na ons toe terug staar..., maar troos onsself daaraan dat skoonheid vergaan en dit is in elk geval nie die uiterlike wat saak maak nie, maar die innerlike. 

Wat is die manne se opinie? Ons weet dat hulle visueel ingestel is en dit maak ons soms moedeloos. Maar die goeie nuus is dat God al die potensiaal in jou gesit het om vir jou man fisies aantreklik te wees tot so 'n mate dat hy net oë vir jou sal hê. Nee, ek praat nie van die super-model voorkoms in die tydskrif nie. Ek praat van jou, 'n regte vrou. 

Die waarheid is dat die mooiste vroue vir mans, nie die supermodelle is nie.Vir hom is dit 'n regte vrou wat gemaklik is in haar vel, selfvertroue het, goed versorg is en avontuurlustig die lewe saam met haar maat geniet.

Dit is egter vir jou man BAIE belangrik hoe jy lyk al sou hy dit ook ontken. 'n Man het eenkeer gesê dat as hy 'n man sien met 'n vrou wat verslons lyk en onversorg is, voel hy jammer vir daardie man. Al is sy ook hoe mooi en maer. Kan jy jou indink hoe voel daardie man dan, want hy weet die ander man kry hom jammer. Dit breek sy selfvertroue en vermoë om te presteer heeltemal af. 

Maar wanneer 'n man 'n ander man sien met 'n goed versorgde vrou, al is sy ook oorgewig, dink hy; "My vriend jy het goed gedoen in die lewe". Natuurlik sal daardie man se bors swel. Jou man voel dat jy vir hom omgee en lief is wanneer jy mooi na jouself kyk.

Jou man is jou maat. Hy wil die lewe saam met jou geniet en dinge saam met jou doen. Dit breek egter sy spoed as jy te oorgewig is om die energie te hê om dit saam met hom te doen. Dit is jammer, maar om baie oorgewig te wees is nie net sleg vir jou gesondheid nie, maar vir jou huwelik ook. Daarmee sê ek nie jy moet 'n nommer 10 rok dra nie. Die meeste manne hou van 'n vroulike figuur met kurwes. Dit maak haar sag en vroulik. Ek verstaan ook maar al te goed dat 'n vrou se liggaam verander as gevolg van hormone en swangerskappe. Maar as jy die moeite doen om van jou kant af jou gewig in toom te hou, sal dit ongelooflik baie vir jou man beteken.

Jy moet ook moeite doen met jou kleredrag. Lyk netjies en versorg. Moenie dat jou man jou net in sweetpak broeke en t-hemde sien nie. Onthou, hy werk deur die dag en die vrouens by sy maatskappy lyk gewoonlik goed. Hare, naels, grimering en kleredrag. Moenie dat jou man huis toe kom en na 'n uitgewaste lappie van 'n vrou moet kyk nie. Maak dit deel van jou daaglikse roetine om jouself mooi te versorg. Jou man sal dit waardeer omdat hy gelief sal voel. Dit sal jou huwelik 'n hupstoot gee en selfs jou kinders sal gelukkig wees omdat hulle die liefde tussen mamma en pappa sal sien en boonop trots wees op hulle mooi ma. Nee, jy hoef nie in stilletos rond te trippel nie. 

Jy hoef nie duur skoonheidskure aan te durf of heeltyd met satyn nagrokkies te slaap nie. Dit sal natuurlik goed wees indien jy jou man so nou en dan verras met 'n wulpse nagrokkie, maar dit gaan daaroor dat jy altyd goed versorg moet lyk. 

Wees die vrou wat God jou geskape het om te wees en ervaar die verrassings wat daarmee saamgaan. Moenie daarop uitmis nie. Dit is beslis die moeite werd.

LOER HY ASPRIS OF PER ONGELUK...?

LOER HY ASPRIS OF PER ONGELUK...?

"Dit maak egter nie saak hoe oud, jonk, watter kultuur of geloof hy is nie..."

Ons het almal al gehoor dat mans visueel ingestel is, maar wat beteken dit regtig?

Die volgende inligting mag dalk seker vroue ontstel, maar ek wil jou aanraai om dit tot voordeel van jou verhouding met jou man te gebruik. Moenie skietgoed bymekaar maak nie, maar leer om hom te verstaan en te ondersteun. Onthou, hy, net soos jy, is deur God geskape en na Sy beeld. Indien jy hierdie inligting tot jul voordeel gebruik kan jou verhouding baie pret inhou.

Kom ons kyk na die manlike brein en sy bedrading. Die man se breinstuktuur en chemiese stowwe maak hom baie visueel georienteer. Daardie tipe bedrading maak hom meer vatbaar vir die aantreklike beeld van 'n mooi vrou wat hy as 'n seksuele sneller kan ervaar.Sy reaksie is instinktief en outomaties. 

Daar is 'n klein sentrum in die brein wat die "nukleus accumbens" genoem word. Hierdie gedeelte van die brein beheer die dinge waaraan ons nie noodwendig dink nie soos, asemhaling, hartklop, spysvertering ensovoorts. Dit is ook die gedeelte van die brein wat ophelder wanneer jy vreeslik honger is en instinktief na kos getrek word. Net soos jy kan besluit om dadelik te eet of dit te ignoreer, net so gebeur dit wanneer 'n man 'n mooi vrou sien. Die "nukleus accumbens" helder op. Hy word instinktief na haar toe aangetrek, maar dan kan hy besluit om op die versoeking te reageer of te ignoreer. Dit maak egter nie saak hoe oud, jonk, watter kultuur of geloof die man is nie. Alle mans is so bedraad. Dit wil tog voorkom dat gelowige getroude mans meer selfbeheersing in daardie opsig toon as die res. Die intensiteit daarvan varieer wel van man tot man. Die ergste is dat hierdie verleidelike beelde gestoor word en dat dit onwillekeurig weer in sy gedagtes voorkom, of hy kan dit willekeurig oproep. Wanneer dit onwillekeurig hul opwagting maak, kan hy dan weer kies om dit te ignoreer. Vir die meeste vroue is dit egter onverstaanbaar omdat ons nie so bedraad is nie. 

Omdat hy 'n man is kan hy nie help om te kyk nie. Maar dit verander nie sy emosies teenoor jou nie. Daar is ook nie iets met jou verkeerd dat hy na 'n ander vrou loer nie. Indien jy hom betrap, staan bietjie terug en sien hoe gou hy skaam kry en wegkyk. Dit omdat hy jou lief het en respekteer. Dit verg baie selfbeheersing, krag en dissipline van sy kant af om jou op hierdie manier te eer.

Daar is tog gerusstellende elemente wat 'n groot deel uitmaak van jou man se innerlike lewe. Hy wens waarskynlik dat hy sy visuele natuur slegs vir jou kon reserveer. Alhoewel hy getrek word na die beeld van 'n mooi vrou kan hy haar ook sien sonder enige seksuele versoeking. Mans verskil in dissipline en dit maak die verskil in sy gedrag.

As vrou kan jy jou man help en bystaan. Eerstens kan jy vir hom bid. Hy word daagliks gebombardeer met visuele versoekings van mooi half naakte vroue. Die groot sondebok daarvoor is die media met al die advertensies van produkte wat verkoop word met 'n half kaal vrou as aantrekkingskrag. 

Ondersoek jou hart. Is jy lief vir jou man vir wie hy is, of wil jy hom verander? Onthou, dit is God wat hom geskape het. Een man het hierdie baie diep innerlike onthulling gemaak. Dit is eintlik 'n hulpkreed na sy vrou...

"To accept the struggle I have with lust, and encourage me rather

 than freak out and conclude the worst about me. The more I can reveal

 my weakness without being judged or accused, or without a major crisis

 in our relationship resulting from my transparency, the more I know I am

 loved for who I am and not for who she wants me to be."

Word die ondersteuning. Laat jou man weet dat jy verstaan deur watter moeilike situasies hy elke dag moet gaan, in terme van sy visuele ingesteldheid, en dat jy bereid is om daaroor te gesels indien hy sou wou. 

Sien sy pogings raak om jou te eer wanneer hy wegkyk en waardeer dit. 

Vrouens moet bewus gemaak word van die probleem wat hulle vir 'n man kan skep deur hul kleredrag. Klee jouself skaflik en leer jou dogters om dit ook te doen.

Nou dat jy weet hoe jou man visueel bedraad is, kan jy dit ook tot jou voordeel gebruik. Jy kan sorg dat jy is wat hom visueel stimuleer. Versorg jouself mooi en wees bietjie verleidelik in die slaapkamer. Hy sal daardie prentjie koester omdat dit verband hou met sy liefde vir jou. Wees mooi, vroulik en smaakvol geklee in die openbaar. Sy bors sal swel van trots as ander mans jou raaksien en hy weet "sy is myne!" Hy wil met jou aan sy sy kan spog. 

WAT BETEKEN SEKS VIR HOM?

WAT BETEKEN SEKS VIR HOM?

Jou seksuele begeerte na jou man affekteer sy welstand en selfvertroue op elke vlak van sy lewe.

Mans soek meer seks! Nee, dit gaan nie net oor die fisiese deel daarvan nie.Om seksueel met sy vrou te verkeer laat hom emosioneel stabiel voel. Dit gee hom krag en selfvertroue om die wêreld aan te durf. En natuurlik is daar liefde aan gekoppel. Maar hy wil ook begeer word. Die daad alleen is nie genoeg nie. Hy het jou nodig om hom seksueel te begeer en om intiem met hom liefde te maak. 'n Tekort daaraan is vir hom emosioneel aftakelend.

Hoe sterk 'n man se behoefte aan seks ook al mag wees, sal hy liewer in die 'garage' gaan timmer as om seksueel met 'n passiewe maat te verkeer. Dit help nie jy besef dat seks vir hom belangrik is en jy laat dit maar net toe uit plig nie. Hy het nodig dat jy hart en siel saam met hom die spel van die liefde geniet. Anders voel hy verwerp. Hy hoor dan dat hy jou nie eers opgewonde kan maak nie, al probeer hy ook. Dit is 'n groot hou vir sy selfbeeld.

Wanneer jy vir hom sê; "nie vanaand nie, liefie", voel hy verwerp. Jy bedoel dalk dat jy moeg is en net nie nou seksueel wil verkeer nie, maar hy voel verwerp. Die rede daarvoor is dat hy hoor dat hy so pateties is, dat hy nie eers met jou kussing kan kompeteer nie. 

Het jy geweet dat seksuele intimiteit vir jou man so nodig is dat as hy dit nie kry nie, hy in depressie sal verval. Erg, nè?

Jy as vrou hou die sleutel tot jou man se geluk en sukses. Jy kan die seksuele gaping oorkom deur te kies om jou man lief te hê op die manier wat hy dit nodig het. En wanneer jy regtig nie intiem met hom kan verkeer nie, onthou dat jy met 'n sensitiewe hart werk. Gebruik woorde en aksies om hom te laat verstaan dat jy hom begeer en intiem met hom wil verkeer, maar dit net nie nou fisies vir jou moontlik is nie. Praat sag en liefdevol.

Raak betrokke by die spel van die liefde en geniet dit. Sit pret daarin. Jy mag maar. Hy sal dit beslis waardeer. Manne het die behoefte aan 'n goeie vrou met morele waardes wat vriendelik is teenoor almal. Maar wanneer die kamerdeur toe getrek word, moet sy in 'n wilde kat verander. Al wat dit beteken is dat jy soms die eerste stap moet neem om seks te inisieer. Hulle sê; "a boring wife, a boring life".

Maak seks 'n prioriteit. Jou man het jou seksueel meer nodig as skoon klere of selfs 'n warm bord kos. Moenie dat jou daaglikse pligte jou van jou man vervreem nie. Kry jou prioriteite reg en wees die vrou wat jy geskape is om te wees. 'n Maat vir jou man... 
Indien daar een of ander rede is hoekom jy voel dat jy nie seksueel selfvertroue het nie, doen die moeite en kry hulp om die probleem op te los. Dit sal jou man, jou verhouding en jou eie huweliksgeluk bevoordeel.

Nou dat jy hierdie teer hart van jou man verstaan, het jy hopenlik meer kompassie ontwikkel vir die manier hoe hy gemaak is. 

Geniet jou man, mevrou!

IS SY WERK DAN BELANGRIKER AS EK... HY WERK ALTYD!

Is sy werk dan belangriker as ek... HY WERK ALTYD!

"Die dryfkrag agter hierdie obsessie..."

Werk, werk, werk! Dit is al wat hy doen....
Hy gaan in die oggende vroeg uit en kom saans laat tuis. Dan is hy stokflou en julle kan nie regtig mekaar se geselskap geniet nie. Dit is letterlik 'n gejaag om in die bed te kom, want more moet hy weer vroeg by die werk wees. Die kinders mis hulle pa en jy mis jou man.  Jy wens julle kan meer tyd saam spandeer. Is die werk dan belangriker as sy gesin?

Die antwoord is NEE! BESLIS NIE!
Die ding is wel dat jou man en die meeste ander mans almal gebore is met hierdie intense behoefte om die broodwinner en voorsiener te wees. Selfs al verdien jy genoeg geld om die hele familie te onderhou, maak dit geen verskil aan jou man se ingebore behoefte en verantwoordelikheidsin om die voorsiener te wees nie.

Die dryfkrag agter hierdie obsessie om te voorsien lê daarin dat dit die kern van jou man se identiteit vorm. Dit maak van hom 'n man van waarde. Dit laat hom sterk voel en dat hy nie net die vermoeë het nie, maar daarin slaag om die broodwinner te wees. Hy wil hê jy moet op hom kan staatmaak om 'n goeie voorsiener te wees. Jou man se werk is nie net 'n manier van leef nie, maar dit vorm in werklikheid 'n groot gedeelte van wie hy is.

Wanneer jou man 'n salaris huis toe bring is dit nie net vir hom geld nie. Dit is 'n liefdes bewys aan jou! Hy het iets om aan jou te bewys, dat hy waardig is van jou liefde want hy kan vir jou sorg. En hy WIL dit bewys.

Dit is ironies dat 'n vrou kla oor haar man se werksure en nie besef dat dit vir hom 'n liefdes offer en liefdes bewys aan haar is nie. Dis is vir hom verwarrend. Hy werk so hard, juis omdat hy jou lief het en die beste vir jou wil gee.

Die waarheid is egter ook dat daar ander motiverings is wat hier saamwerk. Jou man se onselfsugtige behoefte om 'n goeie voorsiener te wees, gaan gepaard met die intense behoefte om suksesvol te wees en dit laat hom sy werk geniet. Dit is 'n uitdaging. Jy moet jou man se behoefte om te werk, voorsien en suksesvol te wees waardeer. Solank hy 'n balans tussen die werk en gesinsverhoudings handhaaf. Eintlik moet jy dankbaar wees as hy sy werk geniet.

Maak seker hy weet dat jy bly is wanneer dit finansieel beter gaan, sodat hy weet  dat al sy obsessiewe harde werk die moeite werd was. Bedank hom gereeld vir sy harde werk. Jy kan selfs vir hom 'n geskenkie gee daarvoor. Gebruik jou verbeelding...

HOE DINK HY...?

HOE DINK HY...?

"Hy dink selfs wat jou reaksie op sy aksie gaan wees..."

Het dit ook al met jou gebeur? Jy en die man in jou lewe is in 'n argument. Skielik staan hy op en stap uit. Jy hardloop agterna en sê iets soos; "Hoe voel jy daaroor?" of  "Wat dink jy?" of "Moenie weghardloop nie! Ons moet dit uitsorteer!" Dit lyk asof hy jou ignoreer en hardloop net vinniger en verder weg. Hy kan selfs in die motor klim en wegry. Jy is diep seergemaak en dink hy gee nie om hoe jy voel nie. Jy dink dat hy net nie lus is vir konflik en 'n geneulery nie. Jy is oorstelp met emosies van woede en moedeloosheid, want kyk net hoe behandel hy jou en die saak is nog nie opgelos nie...
So wat het nou eintlik hier gebeur?

Vrouens doen verbale prosessering. Ons werk deur goed deur daaroor te praat. 'n Vrou se brein het verskeie konneksie punte tussen die linker- en regter breinlob wat haar toelaat om vinnige prosessering van emosies te doen terwyl sy daaroor kommunikeer en terselfde tyd tot die gevolgtrekking kom van haar eie gedagtes en gevoelens. Wanneer sy hardop met haarself praat  kry sy meer duidelikheid oor die situasie en voel beter omdat sy dit op haar manier geprosesseer het.

'n Man daar teen oor is 'n interne prosesseerder. Sy brein is saamgestel om op een ding op 'n slag te konsentreer, dit in diepte te ondersoek en te evalueer. Hy sal iets deurdink, sy emosie ontleed en dan eers daaroor praat. Hierdie proses kan soms tyd neem, veral as dit oor emosionele kwessies gaan. Dit is meestal baie moeilik vir 'n man om oor iets te dink deur daaroor te praat.

Daar is die eintlike rede hoekom hy homself van die argument onttrek. Hy wil eers gaan dink om later daaroor te praat. Dit het absoluut niks te doen met hoe hy oor jou voel nie. Inteendeel, dit is juis omdat hy omgee dat hy onttrek om te gaan dink, wat 'n goeie ding is want, dit  wys dat hy nonsies wil praat nie, maar die saak liewer diep evalueer en uitsorteer. 'n Wonderlike gedagte wanneer vrouens dit verstaan, nè? 'n Man het net soveel emosies as 'n vrou. Hy kan dit net nie dadelik in woorde omsit nie. Dit is vir hom makliker om op sy emosie te reageer as om daaroor te praat.

Iets wat vir my as vrou 'n groot verassing is, was om uit te vind dat 'n man oor a-l-l-e-s dink. Hy dink selfs wat jou reaksie op sy aksie kan wees en hoe hy dit dan sal benader. Meestal weet hy dat wat hy gaan doen jou sal ontstel of nie, maar besluit in elkgeval om dit te doen omdat hy glo dat dit die beste opsie op die oomblik is. Dit is nie te sê dat hy altyd reg is nie. Manne maak ook foute. Maar 'n mens kan soveel konflik vermy deur nie eers af te gaan oor die onverstaanbare ding wat hy nou aangevang het nie, maar op 'n rustige kalm manier te vra hoekom hy doen wat hy doen. Jy mag baie keer verras wees oor sy logika.

Dan het jou man ook tyd nodig om oor niks te dink nie. Raar, maar waar! Het jy al heeldag daarna uitgesien om iets met jou man te deel. Wanneer hy uiteindelik by die huis opdaag en jy brand om hom te vertel, kry jy hierdie reaksie... "Net nie nou nie, asseblief!" Dit is genoeg om enige vrou afgehaal te laat voel, asof haar dinge nie belangrik genoeg is nie. 'n Lekker leun wat vrouens glo...

Jou man se brein is soos 'n opgaar tenk. Die hele dag dink hy oor alles wat met die werk te doen het. Dit is asof die tenk vol word en niks meer kan inneem nie. Hy het nodig om eers vir so 10 minute te ontspan voordat hy aandagtig na jou kan luister. Die tenk moet eers bietjie leeg gemaak word om plek te maak vir nuwe inligting. Jy is vir hom belangrik en dit is hoekom hy spesiale plek maak in sy brein om aandagtig na jou te luister. So werk saam met sy samestelling en gebruik dit tot jul albei se voordeel. Groet hom liefdevol en los hom dan vir so 10 - 15 minute. Vat vir hom ietsie om te drink en gesels dan rustig met hom. Julle sal albei vervulling beleef.

Die verskille tussen mans en vrouens is astronomies. Ons moet mekaar AANVUL en nie AANVAL nie. Soms dink ek dat mans dalk regtig van Mars is en vrouens van Venus, maar dink net hoe wonderlik die heelal is wanneer alles saamwerk

AGTER ELKE MAN...

AGTER ELKE MAN...

"Jou meneer selfvertroue het toe al die tyd 'n geheimpie..."

Jy en jou man is saam in die winkel, wat al klaar 'n groot wonderwerk is, waar julle voor die rak met die gereedskap staan. Die huis het opknapping nodig en daarvoor nou die gereedskap. Jy verwonder jou aan al die goed. Goed om te meet, te kap te draai te knyp en wie weet wat alles. Eintlik weet jy nie regtig waarvoor al hierdie goed gebruik word nie en wonder verder hardop; "Wat sal 'n mens nou nodig hê vir dit wat ons wil doen?" Jou man gee een groot tree vorentoe met 'n regop "army" houding, vat 'n stel goed en sê; "Dit sal werk!" Jy dink; "Dankie tog, hy weet van dié goed." Maar wat jy nie weet nie is, dat alhoewel hy so vol selfvertroue lyk, sy gedagtes 'n warboel is. Hy dink; "Ek hoop hierdie goed werk. Dit is die eerste keer dat ek dit self moet doen en het eintlik nie 'n idee hoe nie. Ek hoop nie my vrou kom dit agter nie. Ek mag haar nie teleurstel nie. Ek hoop nie ek slaan my naam met 'n plank nie."

Die meeste mans het 'n diep innerlike kwesbaarheid waarvan vrouens nie eers bewus is nie. Iets in jou man se binneste hunker daarna om groot uitdagings aan te pak en moeilike take te voltooi. Maar terselfde tyd is die idee om onsuksesvol te wees baie angswekkend. Een van jou man se grootste emosionele behoeftes is om bevoeg en suksesvol te wees in wat hy doen, veral voor ander mense. Terselfde tyd het hy 'n oorheersende gevoel dat hy altyd dopgehou en beoordeel word. Dit laat hom skuldig voel omdat hy die meeste van die tyd onseker is. En dit op elke gebied van sy lewe, in 'n meerdere of 'n mindere mate.

Jou man mag soms baie lang ure werk omdat hy voel dat hy die heeltyd dopgehou word en as gevolg daarvan bevoeg geag moet word om 'n goeie voorsiener vir sy gesin te wees. Dit maak ook in 'n mate op vir sy onsekerheid. Maar soms is dit net regtig nodig om lang ure te werk om al die werk gedoen te kry.

Dit is skokkend, maar die meeste mans voel meer onseker tuis as op enige ander plek. By die werk het hulle min of meer 'n idee hoe om suksesvol te wees, maar tuis is dit soms 'n heel ander prentjie. Jou man is die heeltyd daaroor bekommerd of hy 'n goeie eggenoot vir jou is, 'n goeie pa vir julle kinders is, 'n goeie voorsiener vir die gesin is en of hy 'n goeie voorbeeld vir sy kinders is.

Hoe weet hy in elkgeval of hy suksesvol is? Jy is sy barometer. As jy gelukkig is, voel hy suksesvol. As jy hom afjak of die koue skouer gee, voel hy soos 'n mislukking en 'n nikswerd. Jy is eintlik veronderstel om sy veilige plek te wees, waar hy net homself kan wees, met al sy foute en onsekerheid. Hy moenie by jou voel asof hy hier ook nog toneel moet speel nie. Indien hy so by jou voel, gaan hy homself onttrek na 'n plek waar hy dit nie hoef te wees nie, soos die motorhuis, sy studeerkamer of sport op televisie ens. Dit is goed dat hy ook sy eie dinge doen, maar as hy dit verkies bo jou geselskap, is daar fout. Jou man moet so veilig by jou voel, dat met foute en al, hy die sekerheid het dat jy hom steeds sal respekteer, liefhê en ondersteun. 

Die meeste vrouens wil hê hul mans moet kan ontspan en eerlik oopmaak teenoor hulle wanneer hulle tuiskom. Dit is grotendeels jou verantwoordelikheid om so 'n intieme, veilige omgewing te skep wat dit moontlik maak. En dan is jou seksuele intimiteit met jou man natuurlik die bo-baas wenner om hom te laat voel dat hy meer as goed genoeg is... Jou man kan 'n aaklige dag hê. By die werk en op elke ander gebied. Maar as jy hom begeer en seksueel intiem met hom verkeer, bevestig dit sy manlikheid en hanteer hy die res van die wêreld so maklik soos kinderspeletjies. Jy kan vir jou man die selfvertroue gee om die wêreld te verower. Jy het die mag om van hom 'n sukses te maak!

Die gesegde; 

"Agter elke suksesvolle man, staan daar 'n vrou..."

is toe regtig die waarheid.

JOU LIEFDE IS NIE GENOEG NIE...

JOU LIEFDE IS NIE GENOEG NIE....

"Jou man sal liewer voel dat jy hom nie lief het nie,as om te voel dat jy hom nie respekteer nie."

Die Woord praat in Efesiërs 5 van die vrou wat haar man moet eerbiedig en die man wat sy vrou moet liefhê. Die rede daarvoor is dat dit vir 'n man meer belangrik is om gerespekteer te word terwyl dit vir 'n vrou die belangrikste is om liefgehê te word. Dit is hoe God ons geskape het. 

Net soos jy dit nodig het om onvoorwaardelik lief gehê te word, net so het jou man jou onvoorwaardelike respek nodig. Hy het nodig om gerespekteer te word vir wie hy is - dit is jou man - en nie vir hoeveel hy daarvoor gewerk het nie. 

Vroue sal soms sê 'Ek het jou lief' maar wil terselfde tyd dinge beheer. Ongelukkig sien 'n man dit dat hy nie gerespekteer en vertrou word nie. Om hom te respekteer is om te kies om hom te vertrou, waardeer, bewonder en te eer. 

Het jy geweet dat indien jy kies om jou man ten alle tye te respekteer, hy outomaties meer liefde aan jou sal bewys. Die woorde wat die deure na jou man se hart oopsluit is... " My man ek is so trots op jou; ek vertrou jou" en "dankie vir dit wat jy doen".

Vertrou jou man se oordeel

Jy kan jou man respekteer deur vertroue te hê in sy kennis, opinies en besluite. Jy mag van jou man verskil, maar moet hom nie die hele tyd oor sy besluite bevraagteken en met hom stry nie. Moet ook nie in die strik trap om aan hom opdragte uit te deel soos aan die kinders nie. Dit laat hom baie 'stupid' voel.

Baie mans kry baie meer respek van hul kollegas af as van hul eie vrouens af. Dit is baie hartseer aangesien hy dit juis van sy vrou af nodig het. Dit is slegs by haar wat hy sy hart werklik sal oopmaak en waar hy die mees kwesbaarste is. 

Respekteer sy vermoeë.

Jou man het nodig om dinge vir homself te ontdek en uit te sorteer. Indien hy dit baasraak sal dit sy manlikheid bevestig en sy selfvertroue 'n verskrilike hupstoot gee. Die probleem is dat ons, vroue, die manne wil help en hulle sien dit as wantroue, dat jy dink hy het nie die vermoeë nie. Nee, los hom uit en vertrou hom. Moenie vir hom sê hoe hy dit moet doen nie. Wanneer hy slaag, prys hom. Hy sal uit sy vel uit wees van vreugde en voel asof hy lewe! Dit kan enige iets wees van 'n televisie instel tot by die gewildste een, om 'n pad/ plek te soek sonder om hulp te vra. 

Respekteer jou man vir sy prestasies.

Vroue het nodig om spesiaal en waardig aan liefde te voel aan die binnekant, terwyl mans nodig het om bewonder te word en gewaardeer te voel vir wat hulle bereik aan die buitekant. Wanneer jy vir jou man sê dat hy  'n goeie pa vir sy kinders is, beteken dit baie meer vir hom as wanneer jy vir hom sê dat jy hom liefhet.

Respekteer sy manier van kommunikasie.

Soms voel dit asof mans 'n ander taal as vrouens praat, al praat albei Afrikaans. 'n Vrou sal iets sê, dan hoor die man iets heeltemal anders...

• Die drein is verstop. Vroulief sal sê; "Liefie, ons sal die loodgieter moet skakel, want die drein is verstop". Manlief is dadelik kwaad.Vroulief is geskok en verbaas oor haar man se optrede. Hoekom op dees aarde sal hy so reageer? Hy wou self die drein oopmaak, maar hoor dadelik dat sy hom nie vertrou daarmee of glo hy kan dit doen nie. Hy ervaar dit dat sy nie respek vir hom het nie. Sy moes eers gevra het of hy kans sien om dit te hanteer.
• Vrou lief koop 'n pragtige skildery en sien al hoe dit pronk teen die eetkamer muur. Met groot entoesiasme vra sy vir manlief om dit vir haar op te hang. Hy belowe hy sal. Na twee weke is dit steeds nie gedoen nie. Sy sê; "Liefie, ek het jou al twee weke gelede gevra om die skildery in die eetkamer op te hang. Dit is nou nog nie gedoen nie. Sal jy dit asseblief doen?" Dadelik begin hy brom en lyk vreeslik ongelukkig. Nou hoekom dan? Hy hoor teleurstelling. Dit laat hom as man voel of hy gefaal het. Hy haat dit om te faal. Die feit van die saak is dat die skildery net nie so hoog op sy prioriteitslysie is  soos sy vrou sin nie.
• Vroulief sê; "Gert, weet jy hoe om 'n motor se enjin oor te doen?" Dadelik is manlief omgekrap. Hoekom? Dit is net 'n onskuldige vraag. Hy hoor 'n aanval. Ja jy het reg gelees, 'n aanval. Sy moes die vraag versag het deur te sê; " Veronderstel 'n motor breek, weet jy of jy dalk die enjin sal kan oordoen?"  

Ek weet jy kan nie die hele tyd op eiers loop rondom jou man nie. Jy moet net meer sensitief wees vir sy gevoelens. Dit maak op die ou end nie saak wat jy dink jy sê nie, maar wel wat hy hoor.

Respekteer hom in die publiek.

Dit is vir jou man baie pynlik wanneer jy hom in die publiek kritiseer. Moet dit nie doen nie. 

Om hom in die publiek te terg, al bedoel jy dit speels, kan vir hom 'n vreeslike marteling wees. Veral voor ander mans. Die manlike geslag is altyd kompeterend met mekaar. Jou getergery kan die boodskap uitdra dat jy nie respek vir jou man het nie of dink hy kan nie sy manlike plig teenoor jou nakom nie. Hy kan soos 'n swakkeling lyk en die ander mans kan hom jammer kry of nog erger, dink dat hy ruggraat loos in sy werk ook is. Dit verneder jou man totaal en al. 

Die beeld wat jy van jou man uitdra is baie belangriker as wat jy dink. Jou opinie oor hom is belangriker as enige iemand anders sin. Dit weerspieël sy manlikheid. 

As jy met hom spog en hom opbou, veral voor ander mans, sal hy dink jy is die wondelikste vrou op aarde. 

Watter aannames maak jy oor jou man? Is daar respek in? Ons as vrouens neem sommer maklik aan dat die manne kies om ons nie te help nie, dat ons hulle die hele tyd aan alles moet herhinder of dat dinge sommer sy skuld is. Dit wys aan hom dat jy hom nie respekteer nie. Wanneer jou man voel dat jy nie respek vir hom het nie, kan dit veroorsaak dat hy emosioneel onttrek om homself te beskerm. Dit kan tot gevolg hê dat hy nie so liefdevol teenoor jou is as voorheen nie en dit kan ernstige negatiewe gevolge vir jou 

huwelik inhou. 

Het jy al ooit van die gesegde gehoor; 

"Happy wife, happy life?" 

Die waarheid is egter; 

"Respect your man and he will make you a happy wife with a happy life."

J

Geheime van 'n man se hart.

GEHEIME VAN 'N MAN SE HART

'n Kennis van my het onlangs in een van sy artikels iets genoem van die vrou wat 'n komplekse wese is (ons almal weet dit), "maar wie weet tog wat in 'n man se hart aangaan? Wie weet hoe gekompliseerd die samestelling van sy binneste is?"

Dit is so waar. Almal is altyd besorg oor die kompleksiteit van die vrou en mans staan agter in die ry. Ek dink dis baie belangrik om meer ag te slaan op die manlike wese en ook 'n beter begrip vir die man in jou lewe te hê. Die meeste vroue het eintlik geen benul van hoe haar man se samestelling funksioneer nie, terwyl die manne onder die indruk is dat vroue wel weet. 

Navorsing deur John Hagee het bewys dat daar tien dinge is wat elke man in 'n vrou wil hê.

1. Hy wil seksueel vervul word.
2. Hy wil 'n maat hê saam met wie hy kan ontspan.
3. Hy wil 'n mooi vrou hê.
4. Hy wil 'n toegewyde tuisteskepper hê.
5. Hy wil bewonder word.
6. Hy wil 'n vrou hê met morele waardes.
7. Hy wil iemand hê met 'n sin vir humor.
8. Hy wil iemand hê wat intelligent is.
9. Hy wil iemand hê wat hy ten volle kan vertrou.
10. Hy wil iemand hê wat absoluut eerlik is.

Daar is dinge wat vroue van mans weet, maar nie werklik besef wat dit beteken nie. Ek wil graag die volgende gloeilampies vir jou as vrou aanskakel sodat jy die man in jou lewe beter kan verstaan en ondersteun.

'n Man benodig respek.

Jou man sal liewer voel dat jy hom nie lief het nie as om onbeholpe te voel en dat jy hom minag of nie respek het vir hom nie.

Jou man is onseker

Ten spyte van jou man se self versekerde houding, voel hy gereeld soos 'n indringer en onseker. Hy is ook verskriklik bang dat sy onsekerheid uitgevang sal word.

Jy dink jou man vermy belangrike kwessies deur te onttrek.

Die waarheid is dat jou man onttrek om eers oor die kwessie na te dink  sodat hy later beter daaroor kan gesels.

Jou man wil die broodwinner wees

Selfs al verdien jy genoeg geld om die hele familie te onderhou, maak dit geen verskil aan jou man se ingebore behoefte en verantwoordlikheidsin om die voorsiener te wees nie.

Jou man wil meer seksueel met jou verkeer.

'n Jou se seksuele begeerte na jou man beïnvloed sy welstand en selfvertroue geweldig op alle areas van sy lewe.

Jou man is visueel ingestel.

Selfs baie gelukkig getroude mans sukkel om nie na 'n mooi vrou te kyk nie.

Jy dink jou man is onromanties.

Eintlik geniet die meeste mans dit om romanties te wees (soms op 'n heel ander manier as 'n vrou). Hy wil graag romanties wees, maar is sku omdat hy in sy hart twyfel of hy dit sal regkry.

Jou man gee om oor hoe jy lyk.

Jy het nie nodig om 'n nommer agt rok grootte te wees nie, maar jou man het nodig om te sien dat jy moeite doen om jouself te versorg.

Alhoewel mans en vroue een spesie is, is die verskille tussen hulle verbasend groot. Dit is amper asof hulle verskillende tale praat en soos hulle sê van verskillende planete kom. "Men are from Mars and women from Venus".

Oor die volgende paar weke gaan ek die bogenoemde punte in besonderhede bespreek. So kom saam met my op hierdie besonderse reis en beleef die avontuur na jou man se hart en leer sy taal verstaan.